20. okt, 2015

Den annsame

Han har ikkje tid til å stogge
og ikkje tid til å sjå.
Menneske som han møter
dei ansar han ikkje på

Mangt har han å rekkje over.
Det gjeld um å fara fort.
Mykje var det å gjera
Det auka dess meir han fekk gjort.

Så lid det til endes med dagen.
Han står der, studd over stav
og spør: Kva har livet gjeve
og kor har det vorte av?

Slik jaga han gjennom livet
utan å få det fatt.
Ei glede sprang etter på vegen,
men nådde han aldri att.

Jan-Magnus Bruheim, "Årringar", 1987